Zum Geburtstag was witziges

[Walli45012]

Hallo zusammen

Hier gibts was zum Lachen

Hier was über die Person, über die ich geschrieben habe

Sie arbeitet beim Friseur , und arbeitet für die Post
trägt Briefe und Päckchen aus und ist 40 geworden.

Dieser Beitrag kam super an




Gschwätsch über einen 40 zgr

Zwei unterhalten sich auf einer Bank - natürlich auf schwäbisch

W: Woisch du scho nuischde
R: Noi , isch waas bassiert
W : nex isch bassiert, dr Petrleng hot geburzdag
R: seid wann hod dr Petrleng Geburzdag, dem isch doch om dia
Johreszeit no viels kald ,der wachsd
do erschd wenn’s wermr wird.
W: i moi doch net den im Garda
R: Wen moinsch du dann
W: I moi Pedra
R: Achso dr Peterleng aus Omna
W: Dia schaffd doch bei dr Bianca, do isch wia in am Jongbronna do
gangad Leit na we se sich nemme gfallad ond moinad dia sehat so ald aus , ond wenn´s dann wiedr raus kommad dann sens se
om 10 Johr jengr wora, so moinad dia hald
R: Dann muasch o amol naganga , vielleicht hod´s an Wert
dann kasch`s doppelde schaffa
W: Haja ond woisch waas, dr Petra langd oi Job net
,jetzd goischdrs o no en Dorfmrgn rom mid am gelba Audo.
En dem Audo hods laudr Aldbabier des se los wära muas
Ond manch mol send do groaße
Schachtla drbei. Dia Leit mecht i net sei wo des kriagad.
R: Warom ned ?
W: Was dengsch was do Aldbabier dzamma kommd. Des isch neme
so oifach das ällas in Ofa nai schiaba kasch, ond manche Leit
dia freiad sich o no wenn se kommd.
R: Warom denn
W: Neilich hab es beim Uhle gseha, der hod emr a richdigs Feschd
wenn se kommd. der isch da ganza Dag alloi drhoim , ond wenn
der a scheas Mädle siehd dann wird der wieder jong ond
zabbelig, dann fangd der mit seine drei Fiaß zum scharra a.
das dia ganza Bude waggld.
R: Ja Ja mi deam wirs o neme bessr


W: Ond des gelbe Audo des duad o net so wia se mag
Neulich isch se dogstanda mit ihram Aldbabier,
koin Zuggr hot Audo gmacht, des hod oifach da Geischt . aufgäba.
R: was hod se dann gmacht
W: warda hods gmisad bisd Poschd endlich a andrs Audo brochd
hod , ond dann hod se a greans kriagd . I gloab dia gelbe Audo`s
kennad Petra net leida
R : Wobei dia doch aalle megad
W : Ond bsondrs dr Edi , der secht emmr Hasi-Mausi zuara
R : Woisch du was des hoißt ?
W: des hoißd das dr Edi jetzd a jengrs Hasi-Mausi brauchd,
weil der mit de 40zigjährige nix mer afanga ka
der muaß sich jetzd a neis Hasi-mausi sucha
R: ond a wen hosch du dann dengd ?
W: do wär no Moni ond Frau Kurtle do, bei dr Frau Kurtle do hätt
der no was drvo ,da kend dr no lang Hasi-mausi zura saga
R: komm jetd hemmr gnuag gschwätz mir miasad no aufn
Geburdsdag zur Petra ond no koinr isch azoga
W: oh je do wird’s hechsde Zeit
Auf jedenfall ka Petra so weidrmacha wia bisher des isch scho
guad so
I wensch ra a recht langs Leba ond Gsondheid ond das des
Aldbabier no lengr aus traga ka



Idee und geschrieben von Walli zu deinem 40zgr 10.3.2007


Gruss Walli

:lol: :lol: :lol: .........für einen Nichtschwabe wahrscheinlich schwer zu lesen und zu verstehen, aber gut ists! :lol: :lol:

[Walli45012]

Hallo Thomas

Ich weiß das es für Nichtschwaben schwer zuverstehen ist,
aber wir haben uns auf Petras Geburtstag köstlich amüsiert

Es war auch ein gelungenes Fest, eine richtige Party halt.

so jetzt eine Version für Nichtschwaben

W: weißt du schon das Neueste
R: Nein, ist was passiert
W: Nichts ist passiert der Peterleng hat Geburtstag
(Petersillie, Petras Spitzname,)
R: Seit wann hat die Petersillie Geburtstag ?, dem ist es doch
um die Jahreszeit noch viel zu kalt, der wächst doch
erst wenn es wärmer wird .
W: Ich meine doch nicht den im Garten.
R: Welchen meinst du dann ?
W: Ich meinte die Petra
R: Achso den Peterleng aus Omna (ist der Ort wo sie wohnt)
Wie arbeitet doch bei Bianca (Friseur)
dort ist es wie in einem Jungbrunnen. Dort gehen die
Leute hin wenn sie sich nicht mehr gefallen und meinen
sie sehen so alt aus , und wenn sie dann wieder raus
kommen dann sind sie um 10 Jahre jünger geworden
so meinen sie jedenfalls.
R: dann mußt du auch mal hingehen , vielleicht hat es
einen Wert, dann kannst du das doppelte arbeiten
W: und weißt du was
der Petra reicht ein Job nicht aus ,jetzt geistert sie auch
noch in Dorfmerkingen rum mit einem gelben Auto.
In dem Auto hat sie lauter Altpapier, das sie los werden
muß und manchmal sind da auch große Schachtel dabei.
Diese Leute möchte ich nicht sei ,wo das bekommen.
R: warum nicht ?
W: Was denkst du was da Altpapier zusammen kommt,
das ist nicht mehr so einfach wie früher das man alles
in den Ofen schieben kannst.
Und manche Leute freuen sich auch noch wenn sie
kommt.
R: Wer denn ?
W:Neulich hab ich sie beim Uhle gesehen, der hat immer ein
richtiges Fest wenn sie kommt. er ist den ganzen Tag
allein zu Haus. Und wenn der ein schönes Mädchen
sind dann wird er wieder jung und zappelig , dann
fängt er mit seinen 3 Füßen an zu scharren das das ganze
Haus wackelt.
R: Ja, Ja mit ihm wird`s auch nicht mehr besser
W: Und das gelbe Auto tut auch nicht so wie sie mag
Neulich ist sie dagestanden mit ihrem Altpapier
keinen Zukker hat das Auto gemacht, das hat einfach den
Geist aufgegeben
R: Was hat sie dann gemacht ?
W:Gewartet hat sie bis die Post endlich ein anderes Auto
gebracht hat, und dann hat sie ein grünes bekommen.
Ich glaube die gelben Autos können die Petra nicht leiden.
R: Wobei die doch alle mögen
W:Besonders der Edi, er sagt immer Hasi-Mausi zu ihr
R: Weißt du was das heißt ?
W: Das heÃ*ßt das der Edi jetzt ein jüngeres Hasi-Mausi
braucht, weil er mit 40zigjährigen nichts mehr anfangen
kann,der muß sich jetzt ein neues Hasi-Mausi suchen.
R: und an wenn hast du da gedacht ?
W: Da wäre noch die Moni und Frau Kurtle da, bei
Frau Kurtle hätte er noch was davon, da könnte er
noch lange Hasi-Mausi zu ihr sagen
R: Komm jetzt haben wir genug geredet, wir müssen
noch auf Petras Geburtstag und noch keiner hat sich
angezogen .
W: O jeh da wird`s aber höchste Zeit
Auf jeden Fall kann die Petra so weitermachen wie bisher
das ist schon gut so
Ich wünsche ihr ein langes Leben und das sie ihr
Altpapier noch länger austragen kann


:lol: :lol: :lol:


Das war gar nicht so einfach , egal amüsiert euch gut


Gruss Walli